Eman izena KZguneako itxaron zerrendan!

Azken aldian KZgunea-k bere zerbitzuan hobekuntzak egin ditu: Online formazioa, posta elektronikoko egitura berria eta abar. Ekainaren 3tik aurrera beste aukera berri bat daukazue gure webgunean www.kzgunea.net Nahi al duzu formakuntza ikastaro baten izena ematea, baina zentro batetik igaro gabe? Gura duzun ikastaroko itxaron zerrendan izena eman! KZguneako itxaron zerrendan izena emateko jarraitu pauso hauek.

KZGUNEAKO ITXARON ZERRENDA, IZENA EMATEKO EMAN BEHARREKO PAUSOAK

1. urratsa:

Erabiltzen duzun nabegatzailetik (Internet Explorer, Mozilla Firefox, Google Chrome…) sartu KZgunea atarira. Horretarako idatzi www.kzgunea.net helbide barran eta Enter-i eman.

2. urratsa:

Webguneko goialdean FORMAZIOA aukeratu.

3. urratsa:

Ezkerraldean “KZgunean formazioa” azalduko zaigu. Kasu honetan ikastaroak klasean eta modu presentzialean egiteko aukera ematen zaigu. Bestetik, “Online Formakuntza” dugu; ikastaroa online plataforman egiteko.

4. urratsa:

Honako pausoak eman beharko ditugu:

– Formakuntza mota aukeratu (KZgunean formazioa edo Online Formakuntza)

– Ikastaroa aukeratu

– Guk nahi dugun ikastaroan klik egin.

5. urratsa:

Lehendabizi ikastaroaren deskribapena aurkituko dugu. Ondoren, kurtso hauek antolatuta dauden zentroak, ikastaroko apunteak eta azkena ikastaroaren itxaron zerrendan alta emateko aukera da. Azken hau hautatu.

6. urratsa:

Klik egin loturan zure erabiltzaile izenarekin eta pasahitzarekin sartzeko. Gogoratu datu hauek ez badituzu oroitzen hurbilen duzun KZgunetik pasa zaitezkela eskuratzeko. Sekula ere ez baduzu erabiltzailerik izan, joan gure zentro batetara

7. urratsa:

Zure erabiltzaile izena (minuskulaz) eta pasahitza (NAN-a letra maiuskulaz) idatzi. Ostean Onartu aukeratu.

8. urratsa:

Ikastaroa egin nahi duzun KZgunea aukeratu eta ondoen datorkizun ordutegia.

9. urratsa:

Aipatutako pauso guztiak egin ostean, dena ondo joan dela ikusiko dugu. Hala, izena emanda izango dugu gure KZgunean eta gura dugun ordutegian.

10. urratsa:

Dena ondo joan dela ikusteko GUNE PERTSONALA atal berria daukagu KZgunea atarian. Hemendik burutu dituzun ikastaroak kontsultatu ahalko dituzu, ikastaroen inkestak egin, ziurtagiriak inprimatu eta nola ez itxaron zerrenda ikusi.