Ziur aski, azkenaldian komunikabideetan edo Interneten NFTekin lotutako berriak entzun dituzu. Baina, ba al dakizu benetan zer den? Badakizu zer den NFT bat?

Jarraitu irakurtzen eta gaur KZgunean horri buruz dituzun zalantza guztiak argituko dizkizugu.
NFTak (edo token ez-suntsikorra) benetakotasunaren ziurtagiri digitalak dira, eta blockchain teknologiaren bidez (kriptomonetekin erabiltzen den teknologia bera) fitxategi digital baten jabetza bermatzen dute.

Baina, zertaz ari gara token ez-suntsikorraz ari garenean? Aktibo digital bakarra da, irudi bat, bideo bat, testu bat edo identifikadore bat lortzen duen edozein fitxategi digital izan daitekeena, hau da, lanaren egilearen izena erregistratzen duen ziurtagiri digital bat, hasierako balioa bezalako beste datu batzuez gain.

Suntsikorrak ez direnez, ezin dira kopiatu, trukatu, ezta erabilerarekin gastatu ere. Eta suntsikorra edo ez suntsikorra denaren esanahiari buruz geratzen zaizkigun zalantza guztiak argitzeko, adibidez, diru fisikoa edo kriptomonetak suntsikorrak dira, horrek esan nahi du truka daitezkeela, kontsumitu, eta gauza ez-suntsikorra artelan bat izan daitekeela, bakarra, ordezkaezina eta kontsumitu ezin daitekeena.

Artelan hauen eta tradizionalen arteko desberdintasuna da, nolabait esatearren, hauek, ez-suntsikorrak, ezin direla ukitu eta zerbitzarietan daudela.

NFT

Nola funtzionatzen dute NFTek?

NFTak blockchain teknologian edo bloke-katean oinarrituta daude, eta ordenagailu-sare deszentralizatu baten bidez funtzionatzen dute, mundu osoan ordenagailu askok mantentzen dutena.

Orain ikus dezagun nola erabiltzen den. Imajina ezazu NFT bat sortu nahi duzula irudi batetik, marrazki batetik, meme motako bat Tweet batena ere izan liteke. NFT bidez tokenizatzen baduzu, obra erregistratu dezakezu, bakarra eta esklusiboa izan dadin.

Ondoren, Smart contract edo kontratu adimenduna izeneko programa bat beharko duzu. Programa informatiko horrek hainbat pertsonaren artean erregistratutako akordioak erraztu eta betearazten ditu, eta prozesuak sinplifikatzeko bitartekariak ezabatu nahi dira.

Kontratu horren barruan gordetzen da obrari buruzko informazio guztia, eta beharrezkoa da erosketa edo salmenta egiteko.

Eman izena KZguneko “Komunikazio ez-presentzialerako tresnak” urruneko ikastaroan eta gaur egun erabilgarri dauden komunikazio-tresnak ezagutu itzazu beste pertsona batzuekin komunikatzeko edo etxetik telematikoki ikasteko.