Ziurrenik ChatGPT -ri buruz edozer entzun duzula. Azken bolada honetan badirudi ez dagoela adimen artifizial (AI) berri hau ez den beste elkarrizketa-gairik. Gaur, KZgunean, bilaketak egiteko eta emaitzak lortzeko modu berri honi buruz hitz egingo dizugu. Gera zaitez gurekin, ziur probetxu handia aterako diozula gure sarrerari!
Zer da ChatGPT?
Aplikazio hau IA duen txat sistema bat da. Izan ere, azken aldian probatu dugun sistemarik gaituenetakoa da, eskatzen diozun edozeri erantzuteko gai da: oinarrizko gauzetatik, informazio bilaketetak bezala -Google, Siri edo gainerako laguntzaileak egiten duten moduan-, gauza aurreratuenetara, kode lerroak idatzi aplizakio bat egiteko, adibidez.
Oso erraza da ChatGPT erabiltzea; probatzeko, zure webgunean sartu eta erregistratu besterik ez duzu egin behar. Behin barruan, pertsona batekin egingo zenituzkeen galderak egin ahal ditzakezu eta ChatGPTk hauei erantzungo dizkizu. AI honek edozein pertsonarekin elkarrizketak izateko programatu da eta bere algoritmoek zehazki galdetzen ari zarena ulertzeko eta modu koherentean erantzuteko gai dira. Kontuan izan behar duzu aplikazio honen datu-basea 2021eko abendukoa dela, beraz azken nobedadeei buruz zerbait galdetzen badiozu, ez zaitu erantzungo momentuz.
ChatGPTren erabilerak
Egia esan, oraindik ez ditugu ezagutzen ChatGPTk bere baitan hartzen dituen funtzio guztiak, txat honekin elkarreragiten duten pertsonen adimenaren araberakoa baita hori. Oinarrizkoena edozer gertaera edo kontzeptu azaltzeko eskatzea da. Eman diezaiokezun beste funtzio bat artikuluak edo laburpenak idazteko eskatzea , gehienezko karaktere kopurua edo testuaren tonua zehazteko aukerarekin.
Era berean, poema bat idazteko eska diezaiokezu ChatGPTri, haur txiki batek hitz egingo balu bezala testuak egiteko, itzulpenak… ¡hizkuntzarekin zerikusia duen edozer gauza! Tresna honi eman diezaiokezun beste erabilera bat zure sare sozialetara bideratuta dago: YouTube, TikTok, blogeko nahiz Instagrameko sarrerak egiteko eska ditzakezu. Nahiz eta aukera hauek egon, KZgunearen blogaren atzean beti egongo dira pertsonak!
Azkenik, zure hitzekin azaldutako kode-lerro zehatzak sortzeko eska diezaiokezu hainbat hizkuntzatan, hala nola Java, SQL, HTML, Phyton, etab. Eskaera horien barruan produktuak, konparatiboak eta abar zehatz daitezke.
AI programa hauek, besteak beste ChatGPT, mundua, obren eta ilustrazioen ekoizpena orain arte ezagutzen genituen moduan aldatzen ari dira: etorkizuna oraina da. KZgunearen blogean, teknologien munduan sortzen diren berrikuntza guztiak kontatzen jarraituko dugu, baita zure egunerokoan nola lagun diezaguketen ere.
Ikastaroren bat antolatzen badezu te, gustosa joango NITZAKE