2024 urtea Android 15 urtea da, Googlek urtero harritzen gaitu Androiden bertsio berri batekin, eta aurten Android 15en txanda da.

Gogoratu Android dela gaur egun Windowsekin batera gehien erabiltzen den sistema eragileetako bat, telefono mugikorretan erabiltzeko pentsatua eta garatua. Googlek bere blogean argitaratu duenez, Android 15 sistema eragileak mugikorraren produktibitatea hobetuko du, bateriaren inpaktua gutxitu eta erabiltzaileen pribatutasuna eta segurtasuna babesten lagunduko du.

Android 15 izena Android Vanilla Ice Cream (banilla izozkia) izango da. Googlek beti erabiltzen ditu postreak Androiden bertsio desberdinen izenetarako.

Android 15

Has gaitezen!

Android 15en honako berrikuntza hauek aurkituko ditugu:

  • Bluetooth konexio-panela doikuntza azkarretan.
  • Bateriaren kontrolean hobekuntzak izango dira, atal berri batek bateriari buruzko aholkuak emango dizkizu. Adibidez, izorrratzen ari denean, abisu bat jasoko duzu.
  • Widgetak, blokeo pantailara itzuli daitezkela dirudi. Horrela, ez duzu aukera batzuetarako mugikorra desblokeatu beharko.
  • Aplikazioak desinstalatu beharrean, artxibatu ahalko dituzu, hau da; aplikazioak artxibatzea, desinstalatu beharrean, espazioa askatzeko modu berri bat da: sistema eragilearen funtzioa izango da. Orain arte, Google Playn bakarrik egin zitekeen.
  • Soinua murrizten zaien jakinarazpenak: Android 15ek aplikazio beraren errepikatzen diren jakinarazpenen soinua murriztu ahal izango du.
  • Aplikazio zaharrik ez, aplikazio berrienak bakarrik instalatu ahal izango dira.
  • Bolumen-panelerako diseinu berria.
  • Egoera barrako ikonoetarako diseinu berria: bateria, WIFI eta beste ikonoak berrituko dira.
  • NFC konexioak ere hobekuntzak izango ditu.
  • PDF irakurgailuak ere hobekuntzak izango ditu.
  • Grabazioa detektatzeko gaitasuna izango du. Aplikazioek grabatuak izaten ari direla detektatu ahal izango dute.

Noiz egongo da erabilgarri Android 15?

Seguraski, galdetzen ari zara noiz eguneratu ahal izango duzun zure Android hori 15. bertsiora. Oraingoz, Androiden azken bertsioa bakarrik garatzaileentzat dago eskuragarri. Apirilean eta maiatza hartean hasiko dira beta bertsioak iristen. Bertsio hauek izaten dira azken bertsioaren antzekoenak. Uda igaro ondoren, Googlek azken mugikorrak Android 15ekin merkaturatuko ditu. Gainerako terminaletan mugikorraren fabrikatzailearen arabera izango da eguneratzea, eta hiru hilabetetik urtebetera arte iraun dezake.

Android sistema eragilearen mantentzea sistema egoera onean eta behar bezala mantentzeko egiten diren ekintzen multzoa da. Android sistema eragilearen mantentze erregularra egiteak gailuaren bizitza erabilgarria luzatzen eta errendimendua hobetzen lagun diezaguke.

“Android-en mantentze-lanak. Luzatu zure gailuaren bizitza” ikastaro honetan zehar, gure bateria, gure biltegiratze-espazioa eta gure gailuak beti prest izateko beste gauza asko prest nola mantendu ikusiko dugu.