WhatsAppeko iragazkinak dira aplikazioak inplementatu duen azken berrikuntza elkarrizketak modu intuitiboagoan ordenatzeko, ezer gal ez dezazun. Iragazkiak erabiliz zure WhastAppen elkarrizketak errazago aurkituko dituzu. Apirilean, WhatsAppek funtzio bat iragarri zuen, funtzio honek guztiz aldatuko du aplikazioaren erabileran duzun esperientzia.
WhatsAppen arabera, iragazkiak erabiltzeak antolatuta egoten eta elkarrizketa garrantzitsuenak aurkitzen laguntzen die aplikazioaren erabiltzaileei, eta mezuen bidez modu eraginkorragoan nabigatzeko aukera ematen die.
Ondo irakurri duzu, WhatsAppeko elkarrizketetan iragazkiak erabili ahal izango dituzu. Iragazki horiekin, mezuak azkarrago eta modu eraginkorragoan aurkituko dituzu.
Ikus dezagun nola funtzionatzen duten iragazkiek!
Berez iragazkiak aplikazioa errazago erabiltzeko diseinatu dira. Hauek WhatsAppeko interfazearen goiko aldean egongo dira, eta oraingoz hiru iragazki baino ez ditu integratu aplikazioan: “Guztiak”, “Irakurri gabeak” eta “Taldeak”. Ukitu bakar batekin hauta daitezke.
- Guztiak: zure mezu guztiak ikusiko dituzu, WhatsAppeko betiko bista esango genuke.
- Irakurri gabeak: aukera ezin hobea jakiteko zer elkarrizketari eman behar diozun erantzun, iragazki honek ez irakurritako mezuak erakutsiko dizkigu.
- Taldeak: erabiltzaileak asko eskatutako funtzioa da hau.. Orain, zure talde guztiak leku bakar batean antolatuko dira, eta, beraz, errazagoa izango da zure gogokoenak aurkitzea, dela asteko familia-afaria, dela hurrengo oporren plangintza. Hemen ere komunitateen azpitaldeak agertuko dira.
Oraingoz, hiru iragazkiak dira, baina litekeena da beste iragazki batzuk sartzea edo haien antolamendua aldatzea.
Iragazkiak apirilaren 16an merkaturatu ziren: aplikazioaren interfazean ager daitezen, aplikazioa eguneratu behar duzu.
Esaiguzu, zer iruditzen zaizu funtzio berri hau?
Sar ezazu zure iruzkina