Uda hemen da eta, zuetako askok bezala, KZgunean ere merezitako atsedena hartuko dugu. Baina itxi aurretik, aurten partekatu ditugun sarrera interesgarrienen errepasoa egin nahi dugu. Baten bat galdu baduzu, une ezin hobea da egunean jartzeko! Hemen dituzu 2024ko gure bost sarrera aipagarrienak. Ezin hobeak etxetik izapideak egiteko edo opor hauetan aisialdiaz gozatzeko.

Ezagutu City Guide, turismoa egiteko gida

Oporretan bazabiltza, ez galdu gure City Guide-ren sarrera. Aplikazio hau poltsikoan gida turistiko potoloa izatea bezalakoa da. Sarrera honetan, jatetxe, museo eta leku  interesagarri berriak aurkitzen irakasten dizugu. Aplikazioaren erabilera oso erraza da, nahiz eta teknologiarekin oso trebea ez izan.

Mendiak APP: Euskal mendiak ezagutzeko aplikazioa

Mendiak APP ezinbestekoa da mendi-ibilien maitaleentzat, euskal mendietako ibilbideak planifikatzeko ezin hobea baita. Sarrera honetan erakusten dizugu zein bide aukeratu behar duzun zure mailaren arabera eta informazio erabilgarria non eta nola aurkitu dezakezun (bidearen zailtasunaedo intereseko guneak, adibidez). Uda honetan aire libreaz gozatzeko modu zoragarria da.

Stop dei komertzialak: ezagutu zure eskubideak

Dei komertzialak jasotzeaz nekatu zara? Jakin nahi duzu nola babes zaitzakezu? Sarrera honetan, zure eskubideak azalduko ditugu eta nola murriztu edo ezabatu dei gogaikarri horiek. Adibide argiak eta urrats errazak emango dizkizugu informazio hau aplikatzeko eta uda lasaiagoaz gozatzeko.

Wikiflix, Wikipediako Netflix-a

Gauza berriak ikastea gustoko baduzu, Wikiflixek asko gustatuko zaizu. Plataforma honek Wikipedian oinarritutako dokumental eta bideo hezitzaileen bilduma handi bat eskaintzen du. Erregistratzeko, edukietan nabigatzeko eta tresna sinestezin hau ahalik eta gehien aprobetxatzeko modua erakutsiko dizugu. Ezin hobea da modu dibertigarri eta eskuragarrian ikasteko.

Nola eskatu BakQ bideo-identifikazioaren bidez?

BakQ ziurtagiria behar duzu? Ez kezkatu, urratsez urrats azalduko dizugu nola eskatu bideo-dei bidez. Metodo hau oso erosoa da, etxetik atera beharrik gabe egin baitezakezu. Behar duzun guztia kontatuko dizugu, eskakizunetatik hasi eta bideo-deirako prestatzeko moduetaraino.

Gure ikastaroetan izena eman!

Ez ahaztu gure webgunea bisitatzea iraileko ikastaroetan izena emateko. Gogorarazten dizugu aurrez aurreko  modalitatean  egin dezakezula zure KZgunean edo urrutneko modalitatean, gure online formakuntzan. Azkenik, gogorazten dizugu nahi dituzun ikastaroak betetak baldin badaude, gure itxaron-zerrendan izena eman dezakezula.

Gomendio hauekin, espero dugu esperientzia eta ikaskuntza berriez betetako udaz gozatzea. Oporretan itxita egon arren, bueltan informazio erabilgarri eta eguneratutako sarrera berriekin itzuliko gara. Uda zoragarria opa dizugu, eta irailean zu berriro ikustea espero dugu, KZgunearekin mundu digitala esploratzen jarraitzeko!