Aldi berean mugikorrean fitxa edo aplikazio bat baino gehiago erabili behar duzunean, deserosoa izan daiteke denbora guztian pantailaz pantaila saltoka ibili behar izatea. Hala ere, pantaila zatitua honi esker hainbat aplikazio aldi berean erabiltzeko modu bat dago. Aprobetxatu ahalik eta gehien zure gailu mugikorra!

Aplikazio batetik bestera etengabe aldatzen ibili beharrik gabe zereginak aldi berean egin behar dituzten pertsonentzat oso funtzio erabilgarria da pantaila zatitzea eta Android Smartphone batean bi aplikazio aldi berean erabiltzea.

Berria ez den funtzio hau plazaratu zenetik findu eta hobetu egin da. Gaur egun, gailuek hardware ahaltsuagoa eta RAM memoria handiagoa dutenez, bi aplikazio aldi berean erabiltzen diren bitartean, funtzionamendua bizkortu egiten da.

Nola aktibatu Android-en zatitutako pantaila?

  1. Ireki batera erabili nahi dituzun bi aplikazioak.
  2. Joan Azken aplikazioak menura, ukitu pantailaren beheko aldeko botoia (karratua edo marraduna) edo kasuaren arabera, mugitu gorantz pantailaren beheko aldetik.
  3. Azken aplikazioen ikuspegiaren barruan, hautatu zatitu nahi duzun lehen aplikazioa. Leihoaren goiko aldean, bistaratzen den menuan, sakatu “Pantaila zatitu”. Aplikazioa pantailaren goiko aldean jarriko da.
  4. Orain, hautatu zerrendako bigarren aplikazioa, eta automatikoki jarriko da pantailaren beheko aldean.

Automatikoki, pantaila birdimentsionatu egingo da, eta aplikazio biak pantailaren erdia hartuko dute bakoitzak. Gainera, atal bakoitzaren tamaina egokitu dezakezu barra banatzailea lerratuz, komeni zaizun bezala zabaltzeko edo estutzeko.

Erabili Chrome-ren bi leiho aldi berean

Askotan, Chrome nabigatzailearen bi leihoen ikuspegiarekin pantaila zatitzea baliagarria izango zaizu, informazioa alderatzeko, eskaintzak alderatzeko edo bidaia bat planifikatzeko.

Nola egin jakiteko, jarraitu pauso hauek:

  1. Pantaila erdibituta dagoela, eta Chrome izanik pantaila partekatzen duen aplikazioetako bat, Chromen, goiko eskuineko aldean,
    ukitu 3 puntu bertikalen menua.
  2. Goitik beherako menuan, hautatu “Leiho berria”.
  3. Automatikoki, Chrome-eko leiho berriak pantailaren beste erdia hartuko du, eta bi leihoak aldi berean erabili ahal izango dituzu.

Garrantzitsua da kontuan izatea mugikorraren modeloaren eta markaren arabera pantaila zatituaren kontrolen kokapen zehatza eta funtzio horren izena zertxobait alda daitezkeela.

Trikimailu azkar eta erraz honi esker, askoz eraginkorragoa izango zara zure egunerokoan.

Android gailuei buruz gehiago jakiteko, eman izena KZgunearen aurrez aurreko ikastaro honetan “Smartphoneak eta tabletak. Zure Android gailua erabiltzen ikasi” Zure zain gaude!