DeepAI ez da adimen artifizialeko beste tresna bat besterik; denon eskura dagoen aukerez betetako unibertsoa da. Imajinatu adimen artifizialaren boterea zure eskuetan izatea, programazioan edo teknologian aditua izan beharrik gabe.

DeepAI-k aurrez prestaturik dauden modeloak eta erabiltzeko errazak diren tresnak eskaintzen ditu, gainera ateak irekitzen dizkio edonori, profesionaletatik hasi eta esperientziarik gabeko pertsonetaraino, adimen artifiziala bere proiektuetan modu erraz eta eraginkorrean integra dezan.

Nahi al zenituzke irudi ikusgarriak sortzea, musika konposatzea edo baita logotipoak diseinatzea profesional bat izango bazina bezala? DeepAI-rekin, hori ez da amets bat, klik batean eskuragarri dagoen errealitate bat da.

Ezagutu  nola ari den plataforma hau mundu teknologikoa iraultzen eta zergatik hasi beharko zinateke gaur bertan erabiltzen. KZgunean, behar duzun informazio guztia ekartzen dizugu, atzean geratu ez zaitezen eta IA-k eskaintzen dituen aukerak aprobetxatu ditzazun.

Zer sor dezakezu DeepAI-rekin?

DeepAI-k adimen artifizialean oinarritutako aukera zabala eskaintzen du, erabiltzaile mota guztien beharrak asetzeko diseinatuta dago-eta: teknologia garatzaileetatik hasi eta sortzaile eta enpresetaraino.
Lehendabizi egin beharrekoa haien web orrian sartzea da (erregistratu gabe erabil daiteke).
Hemen azaltzen dizkizugu esplora ditzakezun aukera zirraragarrienetako batzuk:

Irudiak sortzea

Inoiz imajinatu al duzu irudi bat sortzea IA baten bitartez, honako hau hitzez hitz deskribatuz? DeepAI-rekin, hori posible da.
Testutik irudiak sortzea: “Mendiak eta robotak dituen paisaje futurista” edo “espazio-jantzia daraman katu baten erretratua” buruan duzuna deskribatu besterik ez duzu egin behar eta DeepAI-k errealitate bihurtuko du. Zure poltsikoan artista digital bat izatea bezala da.

Proiektu sortzaileak

Sormena zure pasioa bada, DeepAI-k gustuko izango dituzun tresnak ditu:
Musika sortzea: Zure melodia propioak konposatzea amesten duzu baina ez dakizu nondik hasi? DeepAI-k soinuak esperimentatzeko eta zure gustuko musika sortzeko aukera ematen dizu. Nork daki, zure hurrengo arrakasta sor dezakezu!
Diseinu grafikoa: Logotipo bat, banner bat edo eragin handiko diseinu bisuala behar baldin baduzu baina ez duzu diseinurako trebetasunik, ez dago arazorik. DeepAI-rekin, diseinu profesionalak automatikoki sor ditzakezu, denbora eta baliabideak aurrezteko.

Bideo animatuak

Bere funtzio nagusia ez den arren, DeepAI-k animazio munduan lehen urratsak ematen lagundu diezazuke.
Animazio bideo txikiak: Eduki dinamikoak behar dituzu sare sozialetarako, aurkezpenetarako edo proiektu sortzaileetarako? DeepAI-k bideo animatu txikiak sortzen lagun diezazuke modu erraz batean. Konbinatu haren irudi sortzeko eta hizkuntza prozesatzeko tresnak, edizioan esperientzia handirik ez baduzu ere, ikusmen erakargarriko animazioak sortzeko.

Txat eta testuak

Asistente birtual bat izatea edo elkarrizketa interaktiboak sortzea gustatuko litzaizuke? DeepAI-k badu zerbait zuretzat:
Testua sortzea denbora errealean: Txat interaktiboa ez den arren, haren testu sortzeko tresnak erabil ditzakezu elkarrizketak simulatzeko, elkarrizketa dinamikoak sortzeko edo baita chatbot-en prototipoak garatzeko. Narrazioa interaktiborako, jokoetarako edo aplikazio berritzaileetarako proiektuetarako ideala da.

Zergatik da DeepAI zuretzat?

DeepAI ez da teknologia adituentzako tresna bat besterik ez; adimen artifizialera sarbidea demokratizatzen duen plataforma inklusiboa da. Zure alderdi sortzailea esploratu nahi baduzu, negozioan prozesuak optimizatu nahi badituzu edo IA-ren azken tendentziekin esperimentatu nahi baduzu, DeepAI izan daiteke alternatiba iteresgarri bat. Gainera ez duzu programazioan aditua izan beharrik hasteko. Interfaze erraz eta baliabide eskuragarriekin, DeepAI-k urratsez urrats gidatzen zaitu, bere tresnak aprobetxatu ditzazun.
Beraz, ez geratu itxaroten! Sormenaren eta berrikuntzaren etorkizuna zure eskuetan dago.

KZgunea bidaia honetan laguntzen dizu atzean geratu ez zaitezen: Adimen artifiziala, ChatGPT eta haren alternatibak