Facebook, Google eta beste plataforma batzuetan dituzun kontuek informazio pribatu eta sentikor mordoa gordetzen dute. Baina, zer gertatzen da norbait zure baimenik gabe sartzen bada? Sarrera honetan, nola detektatu sarbide susmagarriak gailu edo leku arraroetatik  azaltzen dizugu eta zer egin zure segurtasuna babesteko.

Garrantzitsua da zure kontuen jarduera berrikustea, pribatutasuna mantentzeko. Saio hasierak egiaztatzeko moduak daude Gmailen, Facebooken eta beste plataforma batzuetan, eta horrek azkar erreakzionatzen laguntzen dizu zerbait arraroa gertatzen bada. Norbait zure baimenik gabe sartzen bada, zure segurtasuna arriskuan egon daiteke, eta nortasun lapurretaren biktima ere izan zintezke.

Facebook Google kontuak

Nola egiaztatu saioaren hasiera Facebooken

Oso erraza da zure Facebookeko kontuan saioa hasi duten gailuak egiaztatzea. Aukera honek erakusten dizu ez bakarrik zer gailu sartu diren, baita nondik ere. Orain pausoz pauso azalduko dizugu nola berrikusi saioaren hasierak eta zer egin zerbait susmagarria ikusten baduzu:

Goiko eskuineko izkinatik, gure profilaren irudian sakatuko dugu, eta “Konfigurazioa eta pribatutasuna” atalean sartuko gara, gero “Jarduera erregistroa” eta, azkenik, “Saioa non hasi duzun” atala.

Saio hasiera arraroren bat ikusten baduzu, leku ezezagun batetik edo ordu arraro batean, azkar ibili! “Non hasi duzu saioa” atalean, hiru puntu txiki ikusiko dituzu gailu bakoitzaren ondoan; hor itxi dezakezu saio susmagarria. Gainera, aldatu berehala pasahitza seguruago batengatik, etorkizunean beste norbait kontura sartzea saihesteko.

Nola egiaztatu saio hasierak Googlen

Zure Google kontua babestea funtsezkoa da, eta, horretarako, garrantzitsua da zer gailuk duten sarbidea kontrolatzen laguntzen dizuten aukerak ezagutzea. Hemen azalduko dizugu nola berrikusi zure kontuaren jarduera eta sarbide susmagarriak detektatu.

Urrats hauek jarraitu zure Google kontuan saioa nork hasi duen egiaztatzeko:

Sartu zure Google kontuan eta zoaz goiko eskuineko izkinara, zure profileko argazkia dagoen lekura.

Klikatu “Kudeatu zure Google kontua” atalean.

Zoaz “Segurtasuna” fitxara eta bilatu “Azkenaldiko segurtasunarekin lotutako jarduera” atala. Hor dago “Segurtasun jarduera berrikustea”, edozein sarbide susmagarri bertan ikus dezakezu ondoren kudeatzeko.

“Zure gailuak” atalean, hautatu “Gailuak kudeatzea”, azken 28 egunetan zure kontua zehazki zer gailuk erabili duten ikusteko.

Zerbait arraroa sumatzen baduzu, hartu neurriak azkar zure kontua babesteko! Itxi saioa gailu guztietan eta aldatu pasahitza berri batengatik.

Aurrez aurreko ikastaroetara joateko denborarik ez baduzu, sarean dauden arrisku eta mehatxu guztiak ezagutzeko aukera duzu “Zibersegurtasuna. Arriskuak, zaurgarritasunak eta mehatxuak” urruneko ikastaroan. Ez utzi inori Interneteko esperientzia samintzen.