Kaixo, KZguneko lagunok! Gaur ostiral goizero bezala, Iñakirekin, KZguneko ikastaroetako ikaskidearekin, gure auzoko kafetegian kafe bat hartzeko geratu naiz.
Elkarri astea nola joan zaigun kontatu diogu, eta Interneten zapatila ederrak ikusi ditudala ere esan diot, baina online erosteak beldurra ematen didala azaldu diot. Entzuten den guztiarekin; iruzurrak, txartelak klonatu…
Orduan Iñakik dirudiena baino seguruagoa dela esanez lasaitu nau, eta berak PayPal erabiltzen duela. Online ordaintzeko zerbitzua oso erabilia da, eta bankuko datuak zuzenean eman gabe online ordaintzeko aukera ematen dizu.
Egia esan, oso ideia ona iruditu zait, eta Iñakiri PayPali buruz gehiago azaltzeko eskatu diot. Orduan PayPal-ek seguruago erosten lagunduko didala ziurtatu dit.
- Ez dituzu bankuko datuak dendari eman behar. Zure helbide elektronikoa eta pasahitza besterik ez duzu behar. Zure txartela PayPal-i lotuta dago, eta ez du beste inork ikusten.
- Seguruagoa da. PayPalek bitartekari gisa jokatzen du zu eta dendaren artean. Babes-geruza gehitzen du.
- Eroslea babestea. Zerbait gaizki ateratzen bada zure erosketarekin (iruzur egiten dizute, produktua ez da iristen, edo ez da eskatu zenuena), PayPalek dirua itzul diezazuke.
- Doan da. Kontua sortzeak eta PayPalekin ordaintzeak ez du kosturik.
- Denda askotan erabil dezakezu. Marka handietatik denda txikietaraino onartzen dute PayPal.
PlayStoretik deskarga dezakezu, beste edozein aplikazio bezala. Eta lasaiago lan egin nahi baduzu, “Erosketa eta ordainketa segurua Interneten” ikastaroa dago KZgunean.
Horixe zen behar nuena! Oraindik ez badakizu nola erosi Internet bidez, hitzordua eska dezakezu KZgunean eta lagunduko dizute.
Sar ezazu zure iruzkina