2025ean 10 urte bete dira Google Argazkiak eta Google+, jada existitzen ez den Google sare soziala, banandu zirenetik. 2015ean Google Argazkiak plataforma independente bilakatu zen, eta ordutik bilakaera handia izan du.

Urteurrena ospatzeko, Googlek tresna berriak kaleratu ditu ekaineko hilabete osoan zehar. Adibidez: Googlek argazki editorea erabat aldatu du. Orain dena antolatuago dago: tresna guztiak leku bakar batean daude, horrela errazagoa da behar duzuna aurkitzea.

Google Argazkiak berrikuntzak

AI Enhance

Atentzioa gehien ematen duen funtzioetako bat ‘AI Enhance’ da, funtsean argazkiak automatikoki hobetzen dituena, koloreak doituz, garbitasuna eta akatsak garbituz, zuk asko egin behar izan gabe.

Gainera, adimen artifizialari esker, irudi beraren hiru bertsio ezberdin sortu ahal izango dituzu, hirurak hobetutak noski. Hau da, zuk argazki bat igotzen duzu, IAk hainbat aukera erakusten dizkizu ukituta, eta gehien gustatzen zaizuna aukeratzen duzu. Oso praktikoa!

Reimagine

Beste berrikuntzetako bat ‘Reimagine’ da, nahi duzuna esatearekin eszena oso bat aldatzen uzten dizun tresna. Adibidez, zeru lainotua duen argazki bat baduzu, egun eguzkitsu batean eraldatzeko eska diezaiokezu, edo iruditik gustatzen ez zaizkizun gauzak kentzeko mandatua ere. Adibidez: “ezabatu atzeko kartel hori” eta listo, IAk hartuko du ardura.

QRa bildumak partekatzeko

Bildumak partekatzeko modua ere aldatu du Google Fotos aplikazioak. QR kode bat sortzen dizun funtzio bat sortu dute, nahi duzunarekin parteka dezakezuna. Kode horrekin, beste pertsonek albuma ikus dezakete, eta beren argazkiak igo. QR kodearen funtzioaren ideia partekatzea are errazagoa izateko da. Dagoeneko ez da beharrezkoa estekak WhatsApp bidez, posta elektronikoz edo edozein lekutatik bidaltzea.

Funtzio berri horiek guztiak, lehen Pixel mugikorrenak bakarrik baziren ere, orain gailu askoz gehiagotan erabili ahal izango dira. Editatzeko tresnak jende gehiagok aprobetxatzea da Googlen asmoa, edozein mugikor marka izanda ere.

Google Fotos aplikazioari buruz gehiago jakin nahi baduzu, KZgunearen “Google Fotos. Antolatu argazki guztiak hodeian” ikastaroa gomendatzen dizugu.Sortu zure argazki eta bideoen segurtasun-kopia bat, eta edozein gailutatik sartu ahal izango zara haietara modu seguruan. Partekatu zure oroitzapenak zure lagun eta senideekin, eta ordenatu zure argazkiak parteka ditzakezun albumetan. Zure zain gaude!