TikTok sare sozial ezagunenetako bat bihurtu da gaur egun. Zerk bultzatu du arrakasta hori? Hein handi batean, funtzionalitate berriak etengabe sartzea izan da arrazoia. Jakin nahi al duzu zeintzuk diren TikTok aplikazioaren funtzio berriak? Orduan sarrera hau zuretzat da! Aplikazioak izan dituen berrikuntza guztiak azalduko dizkizugu.

TikTok

TikTok Shop

TikTok benetako online denda da: orain produktuak zuzenean eros ditzakezu aplikaziotik, edozein marketplacen egingo zenukeen bezala.

Funtzio horri esker, markek eta sortzaileek zuzenean sal ditzakete produktuak beren bideo eta livetatik. Eduki sozialaren onena online merkataritzarekin konbinatzen du, erabiltzaileek aplikaziotik irten gabe erosteko aukera izan dezaten. Besteak beste, produktuetarako zuzeneko estekak, denden katalogoak eta plataformaren barruan ordaintzeko aukerak biltzen ditu, mugikorretik erabiltzeko dena.

AI Alive

Funtzio berri honekin, argazkiak bideo animatu bihur ditzakezu adimen artifizialari esker. AI Alive zure argazkiei bizia emateko adimen artifiziala erabiltzen duen tresna bat da. Irudi bat igo besterik ez duzu egin behar, eta aplikazioak bideo animatuan bihurtzen du segundotan. Oso erraz eta dibertigarria!

Nerabeentzako segurtasun neurriak

TikTok programak gurasoak seme alabak gainbegiratzeko funtzio berriak abiarazi ditu, gazteenak babesteko eta ohitura digital osasungarriak garatzen laguntzeko. Funtzio horrek mugatu egiten du nerabeentzat deserosoa izan daitekeen edo helduentzat soilik egokia izan daitekeen edukia.

Ongizate funtzioak

TikTok hainbat funtzio gehitu ditu aplikazioa modu osasungarriagoan erabil dezazun: pantailako denborarako mugak, familia konektatuta egoteko aukerak, atseden hartzeko oroigarriak eta osasun mentalari buruzko baliabideetarako sarbidea. Zure denbora aplikazioan hobeto maneatzeko eta zure ongizate digitala zaintzeko pentsatutako guztia.

Iruzkinak azpimarratu TikTok zuzeneko saioetan

Funtzio berri honekin, zuzenekoa  egiten duen pertsonetako bat bazara, nahi dituzun profilen iruzkinak azpimarra ditzakezu. Horrela, arreta jartzen duzu gehien interesatzen zaizkizun erantzunetan, eta interakzioa animatzen duzu transmititzen duzun bitartean.

TikTok-i buruz gehiago jakin nahi duzu? KZgunea zuretzako ezin hobea den ikastaroa daukagu: TikTok. Ikasi sare sozial hau.  Ikastaro honetan ikasiko duzu Tik Tok nola eta nondik deskarga dezakezun zure gailuetan; nola erregistratu eta nola hasi aplikazioa erabiltzen, bideoak sortuz eta editatuz, sare sozial hau erabiltzen hasteko oso erabilgarriak egingo zaizkizun beste funtzionalitate askorekin batera.