Ba al zenekien zure erosketak (aplikazioak, musika, liburuak, filmak eta telesailak) jada Apple ID bigarren mailako kontu batetik kontu nagusi batera transferitu ditzakezula? KZgunean nola egin eta egiteko aukera ikusten ez baduzu zer egin kontatuko dizugu. Prozesua iPhone edo iPad batetik egiten da eta doakoa da. Aukeraren izena “Erosketak migratu” da.

Zer behar duzun erosketak transferitu aurretik

  • Apple IDarekin lotutako bi kontuen posta elektronikoa, pasahitza eta telefono zenbakia eduki.
  • Apple IDko bi kontuetan bi faktoreko autentifikazioa aktibatuta izan eta herrialde edo eskualde berean konfiguratuta izan.
  • Bi kontuak iPhone edo iPad berean saioa hasita izan (iOS edo iPadOSen azken bertsiora eguneratuta).
  • Bigarren mailako kontua “Familian partekatu” aukeran ez egotea, ezta erosketak partekatzeko erabileran ere. Bigarren mailako kontua saldo, alokairu edo eskaerarik gabe egotea eta azken erosketa egin zenetik 15 egun igaro izana ere garrantzitsua da.

Zure iPad edo iPhonetik erosketa nola transferitu

  1. Prozesua oso erraza da aurreko baldintzak betetzen badituzu.
  2. Ireki “Ezarpenak” zure iPhonean edo iPadean.
  3. Sakatu zure izena eta sartu “Edukia eta Erosketak” atalean.
  4. Hautatu “Kontua ikusi” eta hasi saioa beharrezkoa bada.
  5. Bilatu eta sakatu “Erosketak migratu” aukera.
  6. Berrikusi eta berretsi bi kontuen informazioa.
  7. Jarraitu pantailako argibideak transferentzia osatzeko.
  8. Prozesua amaitzean, “Erosketak migratuta” mezua agertuko da eta berrespen mezu elektroniko bat jasoko duzu bi kontuetan.
  9. Ondoren, itxi saioa bigarren mailako kontuan zure gailu guztietan eta hasi zure erosketak kontu nagusitik kudeatzen.

Mugak eta xehetasun garrantzitsuak

  • Erosketak bigarren mailako kontutik nagusira bakarrik mugitu ditzakezu, ez alderantziz. Erosketa solteak ezin dira transferitu.
  • Transferentzia amaitzean, bigarren mailako kontuarekin ezin izango da berriz erosketarik egin.
  • Aukera hau, oraingoz, herrialde batzuetan bakarrik dago eskuragarri. Gaur egun Espainian eskuragarri ez dagoen arren, Applek iragarri du apur bat aurrerago iritsiko dela.

Zure iPhoneko segurtasuna hobetu nahi duzu?
Irakurri gure “iPhoneko pribatutasuna handitzeko 4 trikimailu” sarrera eta jarri praktikan gaur bertan.