Kaixo, KZguneko lagunok! Gaur, ostiral goizero bezala, Iñakirekin, KZguneko ikastaroetako ikaskidearekin, paseatzera irteteko geratu naiz. Orduan Iñakik, atzo Mirenek herrian antolatu duten ibilaldi bati buruz hitz egin ziola esan dit.

Nik ere irakurria nuen Telegrameko kanalean, eta ekainaren erdialdean izango da. Izena emateko, partekatu duten orrialdea erabili behar da, eta Iñakik, Mirenek eta biek paseoa egingo dutela  esan dit, eta ea nik ere izena ematen dudan.

Plan polita izan daiteke, martxa solidarioa da eta azkenean izena ordenagailutik emateko geratu gara. Lehenik eta behin, webgunea behar dugu izena emateko, Telegrametik zuzenean bidali dugu, eta PCan jaso dugu.

  • Webgunea ireki ondoren, erregistro atalean sartu eta izena ematen hasi gara.
  • Inprimakia datu pertsonalekin bete dugu, eta dohaintzaren laukitxoa markatu dugu dohaintzarako zenbatekoa markatuz. Jarraian, gainerako inskripzioetako datuak gehitu ditugu.
  • Amaitzeko, inskripzioa Bizum bidez ordain dezakegula ikusi dugu. Bizumen erregistratutako telefono zenbakia eskatu digu, eta jarraian, ordainketa egiteko jakinarazpena iritsi zaigu.
  • Bizumeko pasahitzarekin saioa hasi behar izan dugu, eta SMS kodea sartu dugu. “Ordaindu” botoiarekin erosketa baieztatu dugu.

Erosketaren baieztapena iritsi zaigu eta postan izena emateko baieztapena ere jaso dugu.

Gaur ere zeozer berria ikasi dugu! Iñaki eta bion artean talde ona egiten dugu, eta izen ematea Bizumen bidez ordaindu ahal izan dugu. Oraindik ez badakizu nola ordaindu Bizumekin Interneten, hitzordua eska dezakezu KZgunean eta lagunduko dizute.

KZgunean zure zain gaude!