Gaur egun YouTube, komunikazio kanal nagusietako bat da, bideoak partekatzeko komunitaterik handiena da, eta orain, berriro ere, mezu pribatuen erabilera eskaintzen du erabiltzaileen artean.

Honela, eta aplikazioan bertan,  bideoak eta mezuak trukatzeko funtzio berri honekin, 18 urtetik gorako erabiltzaileek, bideo gogokoenen bidez konektatu ahal izango dute.

Funtzio honek bideoak, Shortak eta zuzeneko emanaldiak partekatzeko aukera ematen du, eta baita horiei buruz hitz egiteko ere.

YouTubek filmak, musika bideoak, telebista programak eta erabiltzaileek sortutako era guztietako bideoak biltzen dituen hamaika bideo ditu. Eta 2009 urtetik aurrera, zuzeneko emanaldiak sortzen dira ere.

Bilaketa bat egiteko, orriaren goiko aldean dagoen bilaketa kutxara sartu behar duzu. Idatzi bistaratu nahi dituzun gako hitzak, etiketa edo gaia, eta klikatu bilaketa lupan. Jarraian, YouTubek sartu berri duzun hitzari edo gaiari buruz aurkitu dituen emaitzak azalduko ditu.

Bakarka partekatu eta komentatu

YouTubeko mezu pribatu berriak erabiltzeko, mezularitzako ikono berria sakatu. Horrela, YouTubeko aplikaziotik zuzenean, bideoak partekatzeko, hitz egiteko eta denbora errealean erreakzionatzeko gonbidapena bidali ahal izango duzu.

  • Sakatu “Mezuak”, goiko eskuineko izkinan, eta hautatu “Txatera gonbidatu”. Ondoren, gonbidapen esteka gonbidatu nahi duzun pertsonarekin partekatu.
  • Mezua jasotzen duenak gonbidapena onartzeko edo ez onartzeko aukera izango du. Onartzen baduzu, edukia eta mezuak pertsona horrekin zuzenean partekatu ahal izango dituzu.
  • YouTubeko jakinarazpenak aktibatuta badituzu, zure gonbidapena onartu dela adierazten duen jakinarazpen bat jasoko duzu.

Kanal berri baten gonbidapena jasotzen duzun bakoitzean, kanal horretako mezuak baimendu nahi dituzun galdetuko zaizu. Gerorako utz dezakezu.

Mezu pribatuak erabili ahal izateko bi baldintza daude: YouTubek 18 urtetik gorakoa zarela erakusteko eskatuko dizu, eta gainera, norbait mezuak trukatzera gonbidatzeko, WhatsApp edo posta elektroniko moduko hirugarren aplikazio bat erabiliz esteka bat bidali behar diozu.

YouTube-ri buruz gehiago ikasi nahi baduzu, KZgunearen aurrez aurreko ikastaroan izena eman “YouTube. Bideoak ikustea baino gehiago” Animatu!